نزعل ونتكبر وحنا من طين
والكل منا يصد لا اقبل خويه
نفخر نقول انا على الصد قاوين
وهي علينا فالحقيقه قويه
ننسى نهايتنا وعلى وين ماشين
وننسى الزمان اللي جمعنا سويه
المشكله ماهي بحاجة لتخمين
ولاهي ياناس صعبه القضيه
دق الرقم..........
كيفك....هلافيك...واهلين
انا الخوي اللي مزعل خويه
تغيب وصورتك داخل العين

ويبقى لحبك في خفوقي بقيه
اخواااااااااان حنا لو يجي بينا شين
ومانفترق دام المحبه نديه
خلك قوي لا تحت*** الشياطين
قبل الفوات وقبل وقت المنيه
هاذي هي الدنيا من اللحين للحين
لابد بين الناس تحصل خطيه
ومن لايقدر غلطة احبابه اللحين
يقرا حروفي ويعتبرها هديه
بااااااااااكر تمر سنين وسنين وسنين
والكل يرحل في الدروووووووب المديه
صدقني تندم واذكر حروفنا زين
تندم على خلك اذا غاب ضيه
دنيا غريبه واكثر الناس ماشين
وكم صاحب والله دفنته بيديه